जसपा विवादबारे निर्वाचन आयोगमा सुनुवाइ हुँदैः उपेन्द्र पक्षले आधिकारिकता पाउने संकेत

आयोगको इजलासले गत सोमबार दुबै पक्षबाट विवाद शुरु भएयता गरिएका काम कारवाही बारेका निर्णयका सक्कल  कागजात दुबै पक्षसँग मागेको थियो । सो कागजातको अध्ययनपछि आयोगले अहिले दुबै पक्षका अधिवक्ताहरुलाई दुई दुई घण्टा समय दिएर बहस गरिरहेको छ ।

‘अहिले दुबै तर्फबाट बहस जारी छ, बहसमा तीन तीन जना अधिवक्ता सहभागी हुनुहुन्छ, दुबै पक्षमा दुई दुई घण्टा बहसका लागि दिइएको छ’ आयोगका एक आयुक्तले भने । उनका अनुसार आज नै आयोगको इजलासमा हुने दुबै पक्षको बहस र सुनुवाइ टुंगिने छ । त्यसपछि आयोगले बहस नोट माग्ने छ । र बहस नोटकोसमेत अध्ययन गरेर आधिकारिकता सम्वन्धी विषयमा निर्णय लिनेछ ।

आयोग उच्च स्रोतका अनुसार केन्द्रीय कार्यकारिणी समितिमा जसको बहुमत देखिन्छ उसैले जसपाको आधिकारिकता पाउने छ । कार्यकारिणी समितिमा यादव पक्ष बलियो छ । यादव पक्षले ५१ सदस्यीय कार्यकारिणी समितिमा ३३ जना आफ्नो पक्षमा रहेको दाबी गर्दै आइरहेको छ । अर्को कुरा हालसम्म आयोगले पाएको कागजातलाई आधार मान्दा पनि यादव पक्ष नै बलियो देखिएको छ ।

त्यसका लागि आयोगले दुबै पक्षका केन्द्रीय कार्यकारिणी समितिमा रहृेका नेताहरुलाई नागरिकता वा मदताता परिचतय पत्रसहित आयोगमा बोलाउनेसमेत तयारी गरिरहेको छ । यो सबै प्रक्रिया पुर्याएर छिटो निर्णय गर्न आयोग सक्रियतापूर्वक लागि रहेको छ । आयोगले दुबै पक्ष प्राप्त कागजात र प्रमाणका आधारमा विवाद टुंगाउन सहमत भए सहमतिमा नै विवादको निरुपण गर्ने सम्भावना पनि छ ।

आयोगले जसपा विवादबारे टुंगो लगाउन प्रमुख आयुक्त दिनेश थपलियाको नेतृत्वमा पाँच सदस्सीय इजलास गठन गरेको थियो । सो इजलासले ३ साउनबाटै जसपा विवादबारे सुनुवाइ शुरु गरेको हो ।

आयोगले जसपा विवादबारे टुंगो लगाउन राजनीतिक दल सम्वन्धि ऐन २०७३ को व्यवस्था अनुसार प्रमुख आयुक्तको संयोजकत्वमा इजलास गठन गरेको थियो । इजलासमा आयुक्तहरु ईश्वरीप्रसाद पौडेल, रामप्रसाद भण्डारी, जानकीकुमारी तुलाधर र सगुनशमशेर जबरा छन् ।