नेपाल कम्युनिष्ट पार्टी (एमाले) कर्णाली प्रदेश कमिटीका अध्यक्ष गुलाबजंग शाह […]
(एमाले) सल्यानले पार्टीको ११ औँ राष्ट्रिय महाधिवेशनको सन्देश तल्लो तहसम्म पुर्याउने उद्देश्यले पालिकास्तरमा सन्देशसभा तथा विस्तारित बैठक सञ्चालन गरिरहेको छ । आइतबारसम्म पाँचवटा पालिकाहरुमा कार्यक्रम सम्पन्न भैसकेको नेकपा एमाले सल्यानका अध्यक्ष भिम बहादुर सेनले जानकारी दिनुभयो ।
अभियान अन्तर्गत आज आइतबार छत्रेश्वरी गाउँपालिकामा विस्तारित बैठक सम्पन्न भएको छ । महाधिवेशनबाट तय भएका राजनीतिक नीति, कार्यक्रम र वैचारिक दिशालाई कार्यकर्ता तहसम्म पु¥याउने, संगठनलाई स्थानीयस्तरसम्म मजबुत बनाउने, राष्ट्रिय राजनीतिमा एमालेको भूमिका तथा दृष्टिकोण नागरिकसामु प्रस्ट पार्ने उद्देश्य सहित पालिकास्तरमा कार्यक्रमहरु सञ्चालन भैरहेको जिल्ला कमिटी उपाध्यक्ष ओज बहादुर बुढथोकीले जानकारी दिनुभयो ।
यसअघि बनगाड कुपिण्डे नगरपालिका, शिद्धकुमाख गाउँपालिका, त्रिवेणी गाउँपालिका र शारदा नगरपालिकामा यस्ता कार्यक्रम सम्पन्न भइसकेका छन् । जिल्ला कमिटीको गत पुस १८ गते बसेको पूर्ण बैठकको निर्णयअनुसार दार्मा गाउँपालिकामा पुस २९ गते, बागचौर नगरपालिकामा पुस ३० गते, कालिमाटी गाउँपालिकामा माघ २ गते र कपुरकोट गाउँपालिकामा माघ ३ गते सन्देशसभा तथा विस्तारित बैठक तय गरिएको छ ।
महाधिवेशनपछि पार्टी नयाँ उत्साह र नयाँ कार्यदिशासहित अघि बढेको भन्दै जिल्ला कमिटी सचिव पुस्पा वोहोराले त्यसलाई आधारभुत तहसम्म लैजानु अहिलेको मुख्य आवश्यकता भएको बताउनुभयो ।
छत्रेश्वरीको कार्यक्रममा प्रदेश कमिटीका सदस्य, जिल्ला कमिटि, पालिका कमिटीका पदाधिकारी एवं सदस्यहरु, पालिकामा पार्टीबाट निर्वाचित जनप्रतिनिधी, विभिन्न जनवर्गीय संगठनका प्रमुख तथा पदाधिकारी र शुभचिन्तकहरुको सहभागिता रहेको पालिका कमिटी अध्यक्ष ज्ञान बहादुर खड्काले जानकारी दिनुभयो ।
कार्यक्रममा वडास्तरमा पार्टीका गतिविधि, पछिल्ले राजनितिक अवस्थाका बारे छलफल भएको र नेताहरूले एमाले अब मजबुत राष्ट्रिय शक्तिका रूपमा पुनः स्थापित हुने दिशामा अघि बढेको भन्दै पार्टीभित्र अनुशासन, एकता र जनसम्पर्कलाई प्राथमिकता दिनुपर्नेमा जोड दिएको बताइएको छ ।
पार्टीको राजनीतिक र संगठनात्मक सन्देश पालिकास्तरसम्म पु¥याउने काम भइरहेको भन्दै एमाले सल्यानका उपसचिव तथा प्रचार विभाग प्रमुख गणेशमान सिंहले पार्टीले बाँकी पालिकाहरूमा पनि तोकिएको मितिमा कार्यक्रम सम्पन्न हुने जानकारी दिनुभयो ।
प्रतिक्रिया दिनुहोस
संबन्धित समाचार
एमाले सल्यानबाट आठ प्रतिनिधि सर्वसम्मत चयन
सल्यानबाट नेपाल कम्युनिस्ट पार्टी (एमाले) को एघारौं राष्ट्रिय महाधिवेशनका लागि […]
सल्यान : स्वास्थ्यकर्मीहरूले न्यूनतम पारिश्रमिक र सामाजिक सुरक्षा सुनिश्चित गर्न ज्ञापन पत्र पेश
नेपाल नर्सिङ संघको नेतृत्वमा देशभरका नर्सिङ पेशाकर्मीहरूले सुरु गरेको आन्दोलनलाइ […]
जेन्जीका मागहरू पवित्र थिए, स्वार्थी समुहबाट हाइज्याक गरियो : मुख्यमन्त्री कडेल
सुर्खेत– कर्णाली प्रदेशका मुख्यमन्त्री यामलाल कडेलले भदौ २३ र २४ […]