दाङकाे देउखुरीमा बस दुर्घटना हुँदा ९ जना घाइते

२०७८ पुष, २६ साेमबार

२६ पुष । पूर्व-पश्चिम राजमार्ग अन्तर्गत दाङकाे देउखुरीमा यात्रुबाहक बस दुर्घटना हुँदा ९ जना घाइते भएका छन् ।

वीरगञ्जबाट सुर्खेतकाे लागि छुटेकाे ना ५ ख २०६ नम्बरको बस आज बिहान साढे ३ बजेतिर राप्ती गाउँपालिका वडा नम्बर ५ दोलही खोला नजिक दुर्घटना भएको हो ।

दुर्घटनामा नौ जना यात्रु घाइते भएको इलाका प्रहरी कार्यालय भालुबाङले जनाएको छ । घाइतेहरुलाई लमहीमा प्राथमिक उपचार गरी थप उपचार गर्न बाँकेको नेपालगञ्ज पठाइएको प्रहरीले जनाएको छ ।

बस दुर्घटनाको कारण खुलेको छैन तर तीव्र गतिका कारण बस दुर्घटना भएको अनुमान गरिएको बताइएकाे छ । विस्तृत विवरण आउन बाँकि ।

प्रतिक्रिया दिनुहोस