सल्यानमा बसुलो प्रहार गरि श्रीमानले गरे श्रीमतीको हत्या

३ कार्तिक |सल्यानमा टाउको र घाँटीमा बसुलो प्रहार गरि श्रीमानले श्रीमतीको हत्या गरेका छन् । जिल्लाको कुमाख गाउँपालिका वडा नम्बर ५ तिमिलेका ४७ बर्षिय कबिराम खड्काले ४२ बर्षिया आफ्नै श्रीमती कली खड्काको हत्या गरेको जिल्ला प्रहरी कार्यलय सल्यानले जनाएको छ ।

दैनिकरुपमा मदिरा सेवन गर्ने उनले घरायसी बिबादहुदा श्रीमतीको हत्या गरेका हुन । श्रीमतीको हत्या गरेर उनले पनि आत्महत्याको योजना बनाएको देखिएको जिल्ला प्रहरी कार्यालयका सुचना अधिकारी अर्जुन पौडेलले जानकारी दिनुभएको छ । साथै उनको साथमा मेटासिट समेत भेटिएको छ ।

हाल प्रहरीले अभियुक्त खडकालाई नियन्त्रण लिएको र घटनाको बारेमा थप अनुसन्धान भैरहेको जिल्ला प्रहरी कार्यालय सल्यानले जनाएको छ ।