बंगलादेशमा भएको म्याराथनमा सल्यानकी पुष्पालाई स्वर्ण पदक

बंगलादेशको ढाकामा भएको वङ्गबन्धु शेष मुजिम ढाका म्याराथनमा महिलातर्फ सल्यानकी पुष्पा भण्डारीले स्वर्ण जितेकी छन् ।

उहाँले ४२दशमलव १९५ किलोमिटर निर्धारित दुरी २ घण्टा ४८ मिनेट २ सेकेन्डमा पुरा गर्दै प्रथम हुन सफल हुनु भएको हो । श्रीलङ्काकी खेलाडी दोस्रो हुनु भएको छ भने नेपालकै वृन्दा श्रेष्ठ धानुके तेस्रो हुन सफल हुनु भएको छ ।

पुष्पा वङ्गबन्धु शेष मुजिम ढाका म्याराथन २०२१ कि पनि स्वर्ण पदक विजेता हुनु हुन्छ भने २०२२ को सोही म्याराथनमा कांस्य पदक जित्नु भएको थियो ।

पुष्पाले १३औँ साग गेममा रजत पदक जितेर पदक जित्ने कीर्तिमानी समेत बनाएको थियो