अब दुई/चार वर्ष काठमाडौं बाहिर बस्ने सोच बनाएको छु। : प्रचण्ड

२७ फागुन । नेकपा (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ ले आफू जनताको बीचमा बस्न चाहेकोले दुई/ चार वर्ष काठमाडौंभन्दा बाहिर बस्ने बताएका छन् । बिहीबार पेरिसडाँडामा स्वास्थ्यकर्मी संघ नेपालले आयोजना गरेको राष्ट्रिय भेलालाई सम्बोधन गर्दै उनले यस्तो बताएका हुन् ।

सम्बोधनको क्रममा उनले भने,‘फेरि देशव्यापी अभियान चलाउने र काठमाडौंभन्दा बाहिर दुई÷चार वर्ष जनताका बीचमा जाने सोच बनाएको छु ।’