सल्यान, साउन २६ –कर्णाली प्रदेशको प्रवेशद्वारका रूपमा रहेको सल्यानको कपुरकोट […]
सल्यान, २६ साउन- सल्यानमा वडा कार्यालय र विद्यालयका सामान चोरी गरेको आरोपमा तीन जना पक्राउ परेका छन् । जिल्लाको त्रिवेणी गाउँपालिका वडा नं, ४ को वडा कार्यालय तथा नेपाल राष्ट्रिय माध्यमिक विद्यालयका विभिन्न सामग्री चोरी गरी लुकाइछिपाइ राखेको आरोपमा तीन जना पक्राउ परेका हुन् ।
इलाका प्रहरी कार्यालयबाट खटिएको प्रहरी टोली, स्थानीय जनप्रतिनिधि, नेरा माविका शिक्षक तथा स्थानीय व्यक्तिहरूको संयुक्त टोलीले सोमबार विभिन्न स्थानमा खोजी गर्ने क्रममा वडा कार्यालय र विद्यालयका सामग्री बरामद गरेको हो ।
खोजीका क्रममा नेरा माविका २ वटा ल्यापटप, ७ वटा कम्प्युटर, ईहाजिरीको सेट, सीसी क्यामेराको सेट तथा विज्ञान प्रयोगशालाका विभिन्न सामग्री फेला परेको वडा अध्यक्ष तथा त्रिवेणि गाउँपालिकाका प्रवक्ता छविराज शर्माले जानकारी दिनुभयो । ती सामग्री विभिन्न स्थानमा लुकाएर राखिएको अवस्थामा फेला परेका थिए । केही सामग्री व्यक्तिको घरमा समेत राखिएको अवस्थामा बरामद गरिएको बताइएको छ ।
विद्यालयका केही सामग्री श्रीनगरस्थित एक पसलमा बिक्री गरिएको समेत बुझिएको प्रहरीले जनाएको छ । घटनामा संलग्न रहेको आशंकामा त्रिवेणी गाउँपालिका–४ फलाबाङका तीन जनालाई प्रहरीले पक्राउ गरेको छ । पक्राउ परेकाहरु एक जना १८ वर्षीय र दुई जना १५ वर्षीय बालक रहेको प्रहरीले जनाएको छ । बरामद भएका सामग्रीको विवरण संकलन गरी घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस
संबन्धित समाचार
प्रहरी कारवाही विधिबारे ६ दिने अनुशिक्षण सुरु
सल्यान, २५ साउन । सल्यानमा आधारभूत प्रहरी कारवाही विधि […]
छत्रेश्वरीको ढोरेनीमा घरघरमा धारा: पञ्चेबाजा, टप्पा र झाँकीसहित खुसियाली
सल्यान, २५ साउन- वर्षायाममा खोलाले मुहानमा फोहोर थुपारिदिन्थ्यो । ठाउँठाउँमा […]
टिमुर टिप्दा हुने कठिनाई हट्ने, नयाँ उपकरण निर्माण
सल्यान, २४ साउन । सल्यान लगाएत विभिन्न पहाडी जिल्लाहरुमा किसानहरुले […]