कैलालीको मोहन्याल गाउँपालिका–७ कुइनेस्थित चिसापानी–कुइने कच्ची सडकखण्डमा दुई यात्रुवाहक सवारीसाधन […]
सल्यान, साउन २१ ।
सल्यानमा एकजना शिक्षक मृत अवस्थामा फेला परेका छन् । जिल्लाको बागचौर नगरपालिका, ६ स्थित सरस्वती माध्यमिक विद्यालयका शिक्षक ४८ वर्षीय हरिबहादुर वली आफ्नै डेराको कोठामा मृत अवस्थामा फेला परेका हुन् ।
बागचौर नगरपालिका वडा नं, ७ कोदालचौर घर भएका उनी बागचौर, ६ ठुलाहिममा डेरा गरी बस्दै आएका थिए । प्रहरीका अनुसार मंगलबार राति खाना खाएर सुतेका वली बुधबार बिहान नउठेपछि करिब ७ बजे घरबेटी कमला वलीले उठाउन जाँदा उनी अचेत अवस्थामा रहेको देखिएपछि प्रहरीलाई खबर गरिएको थियो ।
सूचना प्राप्त भएपछि इलाका प्रहरी कार्यालय सिमखोलीबाट प्रहरी टोली घटनास्थल पुगेको थियो । घटनास्थलमा पुगेर जाँच गर्दा वलीको मृत्यु भइसकेको पुष्टि भएको जिल्ला प्रहरी कार्यालय सल्यानका सूचना अधिकारी तथा प्रहरी निरीक्षक इश्वर रोकायले जानकारी दिए ।
घटनाको प्रकृति र मृत्युको कारणबारे अनुसन्धान गर्न इलाका प्रहरी कार्यालय थारमारेबाट प्रहरी निरीक्षक यामबहादुर मल्लको नेतृत्वमा अपराध अनुसन्धान टोली समेत घटनास्थल पुगेको थियो । आवश्यक कानुनी प्रक्रिया पूरा गरी शव पोस्टमार्टमका लागि बुधबार नै जिल्ला अस्पताल सल्यान पठाइएको प्रहरीले जनाएको छ ।
मृतकका परिवार दाङको तुलसीपुरमा बसोबास गर्दै आएका छन् । प्रहरीका अनुसार मृत्युको यकिन कारण पोस्टमार्टम रिपोर्टपछि मात्रै खुल्नेछ र घटनाबारे थप अनुसन्धान भइरहेको छ ।
प्रतिक्रिया दिनुहोस
संबन्धित समाचार
ग्रामीण बालबालिकालाई वित्तीय संस्थाको झोला सहयोग
सल्यान, २१ साउन । सल्यानको छत्रेश्वरी गाउँपालिका वडा नं ५ […]
युवा नेतृत्व, उद्यमशीलता र प्रेरणाको उत्सवः काठमाडौं युथ कन्क्लेभ २०२६ आगामी शनिबार हुँदै
युवाको नेतृत्व, प्रेरणा, उद्यमशीलता र नागरिक सहभागितालाई सशक्त बनाउने उद्देश्यसहित […]
साढे १६ हजारको विवरण दर्ता, २७०० ले मात्र कार्ड
सल्यान, १५ साउन । एक बर्षको अवधिमा सल्यानबाट चार […]