भूकम्पमा नलगाडकी उपमेयर सरिता सिह सहित जाजरकोटमा २६ र रुकुम पश्चिमा मा २८ मा काे मृत्यु 

जाजरकोट भूकम्पमा नलगाड नगरपालिकाकी उपमेयर सरिता सिंहको मृत्यु भएको छ।

उपमेयर सिंहको सदरमुकाम खल‌गामा रहेको घर भत्किँदा उनको ज्यान गएको प्रहरीले जनाएको छ। जाजरकोटमा उनीसहित २६ जनाको मृत्यु भएको विवरण प्राप्त भएको छ भने कयौ घाइते भएका छन्।

प्रहरी अधिकारी र स्थानीय तहका जनप्रतिनिधिहरुलाई उदृत गर्दै आएको विवरणहरुका अनुसार हालसम्म यो संख्या पुष्टी भएको हो ।

रूकुम पश्चिमका डिएसपी नमराज भट्टराईका अनुसार रुकुममा मात्र हालसम्म २८ जनाकाे मृत्यु भएकाे प्रारम्भिक जानकारी आएकाे छ ।

हाल सम्म संकलन गरिएको विवरणअनुसार सबैभन्दा ठूलो क्षति जाजरकोट र सिमाना जोडिएको रुकुम पश्चिममा भएको देखिन्छ ।