दाङबाट सल्यान आउदै गरेको जिप दुर्घटना

माघ २०, दाङ । दाङबाट सल्यान आउदै गरेको जिप दुर्घटना हुदा २ जना घाइते भएका छन ।

तुलसीपुर देखी सल्यानको कालिमाटी तर्फ जादै गरेको भे १ ज ३३६ नम्बरको जिप बबई गाँउपालिका ३ ट्वाङखोला स्थित ब्रेकफेल भएर दुर्घटना भएको हो । जिप सडकबाट १५० मिटर तल खसेको थियो ।

दुर्घटनामा परी घाइते हुनेहरुमा जिप चालक तुलसीपुर ९ बेलुवा निवासी ३४ वर्षीय लोक बहादुर खत्री र जिपमा सवार पश्चिम दाङको बबई गाँउपालिका २ निवासी १८ वर्षीय वविता केसी रहेको इलाका प्रहरी कार्यालय तुलसीपुरले जानकारी दिएको छ ।

घाइते भएका दुबै जनाको राप्ती प्रादेशिक अस्पताल तुलसीपुरमा उपचार भइरहेको र घटनाको विषयमा आवश्यक अनुसन्धान भइरहेको प्रहरीले बताएको छ ।