गठबंधनको नाममा जनता ठकबन्धन हुदैछ, नेता शाह

नेकपा एमालेका पोलिटव्युरो सदस्य तथा सल्यान प्रदेश सभा (ख) का उम्मेदवार गुलावजङ्ग शाहले जनहितमा भन्दा पनि कुनै दलिय स्वार्थ को लागि नेपाली राजनीति हाबी भएको बताएका छन् । गठबंधनले जनता को मतको कदर नगरेको बताउदै उनले जनताले आफुले रोजेको दललाई मत दिने पाउने अधिकार हुदा हुँदै पनि केही राजनीतिक दलहरूले गठबन्धन गराएर जबर्जस्त भोट हाल्न लगाएको उनले बताए । छत्रेश्वरी गाउँपालिकामा निर्वाचन परिचालन कमिटीको छलफललाई सम्बोधन गर्दै नेता शाहले गठबन्धन जनाताको ईच्छा बिपरित भएको र जनताले गठबन्धनलाई नरुचाएको बताएका छन् । कम्युनिस्ट पार्टीको सरकार ढालेर काग्रेसको सरकार बनाउनेहरु कम्युनिस्ट हु भन्दै भोट मागिरहेकोले तेसतर्फ सजक हुना सबै सल्यानी जनतालाई उनले आग्रह समेत गरेका छन । उनले नेकपा एमालेलाई गठबन्धनका उम्मेदवारले प्रदेश सभा (ख) मा कुनै प्रभाव नपार्ने बताए । नेकपा एमालेसंग कुनै पार्टीको उम्मेदवारले प्रतिस्पर्धा गर्न नसक्ने नेता शाहले जिकिर गरे । अहिलेका मतदाता सचेत मतदाता भएकोले सहि नेर्तृत्व पनि मतदाताले नै चुन्ने र त्यो नेकपा एमाले भएको बताए उनले दावि समेत गरे ।

सोही कार्यक्रमलाई सम्बोधन गर्दै कर्णाली प्रदेश कमिटी सदस्य कुन्ता बस्नेतले गुलाबजङ्ग शाह सल्यान प्रदेश सभा (ख) मा अविभाबकको रूपमा आएको बताइन् । अविभाबकलाई सन्तानले माया गरे झै प्रदेश सभा (ख)का जनताले त्यो माया देखाउने बताईन् । छत्रेश्वरीमा नेकपा एमालेको एकता देखेर गठबन्धन दङ्ग परेको उनको भनाई छ । नेता र जनता मिलेर मात्र बिकासको सम्भावना भएकोले तेसको महत्व बुझ्न दुबैलाई आबश्यकता रहेको बताईन ।
बुधबार भएको निर्वाचन परिचालन कमिटीको बैठकले पार्टी गाउँकमिटी अध्यक्ष ज्ञान बहादुर खड्का संयोजक र धर्मराज बि.क सह संयोजक रहेको ३५१ सदस्यि निर्वाचन परिचालन कमिटी गठन गरिएको छ । तेस्तै गाउँपालिका भित्रका ७ वटै वडाको लागि पनि वडा निर्वाचन परिचालन कमिटीका संयोजक तोकिएको छ । जस मध्ये वडा न १ मा कालि बहादुर चन्द, २ मा तेज बहादुर योगी, ३ मा दिपक दाहाल, वडा न ४ मा गिर्दल खत्रि, ५ मा मोहन के.सी, ६ मा कमल के.सी र वडा न ७ मा ऋषिराज बुढाथोकीलाई संयोजक तोकिएको छ ।
बैठकलाई पार्टी गाउँकमिटी अध्यक्ष ज्ञान बहादुर खड्का, जिल्ला कमिटी सदस्य नेब बहादुर खड्का लगायतले सम्बोधन गरेका थिए । कार्यक्रमको सहजीकरण विद्यार्थी नेता घनश्याम पुन ले गरेका थिए । सोही कार्यक्रममा नेपाली काँग्रस परित्याग गरि चित्र बहादुर पुन लगायतका नेताले नेकपा एमालेमा प्रवेश गरेका छन् ।