दाङमा प्रहरीको भ्यानले ठक्कर दिँदा एक जनाको मृत्यु

दाङमा प्रहरीको भ्यानले ठक्कर दिँदा एक जनाको मृत्यु भएको छ ।

जिल्लाको राप्ती गाउँपालिका-२ लालमटियामा लु अ च ५३३४ नम्बरको प्रहरीको भ्यानले बिहीबार राति भे १ प ८४२२ नम्बरको मोटरसाइकललाई ठक्कर दिँदा अन्दाजी २५ वर्षका मोटरचालकको मृत्यु भएको हो ।

मृतक चालकको पहिचान भने खुल्न सकेको छैन । प्रहरीका अनुसार भ्यानसँग ठक्कर खाएपछि मोटरसाइकल बिजुलीको पोलमा ठोक्किएको थियो ।