कोरोना संक्रमणबाट बागचौर नगरपालिकाका थप एक जना पुरुषको मृत्यु

१८,बैशाख -सल्यान| सल्यानमा कोरोना संक्रमणबाट थप एक जना पुरुषको मृत्यु भएको छ ।

जिल्लाको बागचौर नगरपालिका वडा नम्बर २ निवासी वर्ष २७ का पुरुषको जिल्ला अस्पताल सल्यानमा मृत्यु भएको हो ।

ज्वरो तथा रुघा खोकीका विरामी रहेका उनीमा एकाएक श्वासप्रश्वासमा समस्या देखिएपछि जिल्ला अस्पताल खलङ्गा लगिएपनि सल्यान अस्पतालमा उपचार सुरु हुन नपाउदै उनको ज्यान गएको हो । मृत्युपछि उनको स्वाव परीक्षण गर्दा उनमा कोरोना पोजेटिभ पाइएको थियो ।

आज मात्रै जिल्ला अस्पताल सल्यानमा गंगादेव गाउँपालिका वडा नं ३ निवासी ४८वर्षीय एक महिलाको उपचारको क्रममा ज्यान गएको छ।