एक महिलाले आफूमाथि बलात्कारको प्रयास गर्ने पुरुषको गरिन् हत्या ।

२९ असोज। आफूमाथि बलात्कार प्रयास गर्ने पुरुषको एक महिलाले हत्या गरेकी छन् । धनकुटाको महालक्ष्मी नगरपालिका–१ घुमाउँनेकी ३० बर्षीया कमला गुरुङले बलात्कार प्रयास गरेका स्थानीय लीलबहादुर गुरुङको हत्या गरेकी हुन् । ति पुरुषले बलात्कार प्रयास गरेपछि महिलाले प्रतिकारमा खुकुरी प्रहार गर्दा उनको मृत्यु भएको पाइएको धनकुटाका प्रहरी प्रमुख एवं प्रहरी उपरीक्षक गोबिन्द अधिकारीले जानकारी दिएका छन ।

महिलाले बयान को क्रममा राती आफ्नो घरमा आई लीलबहादुरले ढोका ढकढकाएर खोल्न आग्रह गरे । भित्रबाट आफुले ढोका नखोलेपछि बाहिरबाटै ठेलेर चुकुल उत्काई भित्र पसेर उनले आफुमाथि बलात्कार प्रयास गरे । सोही क्रममा खुकुरी भेटेर हानेको कमलाले बयान दिएका छन् । खुकुरी प्रहारपछि लीलबहादुर भागेका थिए । टाउकोमा गंभीर चोट लागेका उनको बुधबार बिहान स्थानीय लाहुरे खोल्सीमा शव फेला परेको हो ।

प्रारम्भिक अनुसन्धानले पनि बलात्कारको प्रतिकारमा हत्या भएको देखिएको जनाएको छ। मृतकको शवलाई पोष्टमार्टमका लागि जिल्ला अस्पताल ल्याएका छौं। एसपी अधिकारीले भने ‘। महिलालाई पनि नियन्त्रणमा लिएर घटनाको बिषयमा थप अनुसन्धान गर्दैछौ ।