कोरोना भ्याक्सिन आउनुअघि २० लाखको मृत्यु भइसक्ने डब्लुएचओको चेतावनी

१० असोज २०७७, शनिवार

कोरोना भाइरसको खोप प्रयोगमा आउनुअघि नै विश्वभर २० लाख भन्दा बढी मानिसको मृत्यु भइसक्ने विश्व स्वास्थ्य संगठन (डब्लूएचओ) ले चेतावनी दिएको छ । गत वर्ष चीनबाट सुरु भएको यस महामारीका कारण विश्वभर शनिवार सम्ममा करिब करिब १० लाख मानिसको मृत्यु भइसकेको छ। विश्वभर विभिन्न प्रकारको खोपको परीक्षण भइरहेका बेला डब्लुएचओले यस्तो चेतावनी दिएको हो ।
कोरोना महामारीविरुद्ध विश्वले सामुहिक प्रतिवद्धता जनाएर अघि नबढेसम्म नियन्त्रणमा नआउने डब्लुएचओका आपतकालीन प्रमुख डा. माइक रायनले बताएका छन ।
बिश्वका शक्तिशाली देश अमेरिका, बेलायत लगायतका मुलुहकहरुले कोरोनाविरुद्धको खोप तयार पारेर परीक्षण गरिरहेको बताएका छन। तर डब्लुएचओले थप परीक्षण आवश्यक रहेको भन्दै सर्वसाधारणले प्रयोग गर्ने अनुमति दिएको छैन ।

कोरोनाका कारण विश्वभर तिनकरोड सत्ताईस लाख भन्दा बढी संक्रमित भएका छन् । संक्रमण बढ्ने दर अझै नियन्त्रणमा नआएकाले खोपको उपलब्धता अघि नै अझै मानविय क्षति हुने भन्दै डब्लुएचओले चिन्ता व्यक्त गरेको हो ।

प्रतिक्रिया दिनुहोस