आठ जनामा कोरोना संक्रमण देखिएपछि रोल्पाको गंगादेव गाउँपालिका पूर्णरुपमा सिल

गंगादेव गाउँपालिका रोल्पाको क्वारेन्टाईनमा रहेका आठ जनामा कोरोना संक्रमणको पुष्टि भएको छ। क्वारेन्टाइनमा रहेका ३५ जनाको पिसीआर परीक्षण गर्दा आठ जनामा संक्रमणको पुष्टि भएको गंगादेव गाउँपालिका रोल्पाले जनाएको छ ।
आठ जना कोरोना संक्रमित थपिएसँगै सात दिनसम्म लागि गाउँपालिका पूर्णरुपमा सिल गरिएको छ । गाउँपालिका भित्रका सम्पूर्ण विद्यालयहरु,बजार क्षेत्र, धार्मिक स्थल,लगायत सम्पूर्णखाले सवारी साधनहरु, विभिन्न कार्यक्रम,बैठक भेला र एक घर बाट अर्को घर तथा एक वडाबाट अर्को वडामा समेत आवतजावतमा पूर्णरुपमा बन्द गरिएको गाउँपालिकाले जनाएको छ ।