सल्यानमा कोरोना संक्रमितको सुरक्षामा खटिएका एक नेपाली सेनाका जवानमा कोरोना पुष्टि

सल्यानमा खलंगास्थित लुहापिङको आइसोलेसनमा खटिएका एकजना नेपाली सेनाका जवानमा कोरोना संक्रमण पुष्टि भएको छ।
सिमखर्कमा रहेको नेपाली सेनाको सवुज गणमा कार्यरत रहेका उक्त जवान लुहापिङमा आइसोलेसन निर्माणपछि कोरोना संक्रमितहरुको सुरक्षामा खटिएका थिए । आज प्रदेश अस्पताल सुर्खेतमा गरिएको पीसीआर परीक्षणमा उनको रिपोर्ट पोजिटिभ आएको हो । अव यो सगै सल्यानमा कोरोना संक्रमितको संख्या २ सय ४९ पुगेको छ ।