गाउँपालिका अध्यक्ष लाई कोरोना संक्रमण

गुल्मीमा कोरोना संक्रमण पुष्टि भएका मध्ये एकजना धुर्कोट गाउँपालिकाका अध्यक्ष भुपाल पोखरेल रहेको जनाइएको छ ।

मंगलबार पोखरेलले एक विज्ञप्ति जारी गर्दै आफुलाई कोरोना सङ्क्रमण भएको बताएका छन् । यस्तै पुष्टि भएका अर्का संक्रमित व्यक्ति भारतबाट आएर स्थानीय क्वारेन्टाइनमा रहेको पोखरेलले बताएका छन्।

गाउँपालिका अध्यक्ष नै कोरोना संक्रमित भएपछि अहिले धुर्कोटका अधिकांश वडाहरू सिल गरिएको छ ।साथै अहिले आफ्नो स्वास्थ्य अवस्था सामान्य रहेको र केही हप्ता एकान्तबास बस्ने  अध्यक्ष पोखरेलले बताएका छन् ।

गाउँपालिका भित्र कोरोना संक्रमण देखिए पनि  सामाजिक दूरी कायम गरेर पारिवारिक रुपमा कृषि कर्म गर्न अनुमति दिएको छ ।