सल्यान, भदौ २१ । मादक पदार्थ सेवन गरेर सवारी चलाउँदा […]
सल्यान, २३ भदौ ।
अविरल वर्षापछि राप्ती लोकमार्ग अन्तर्गत सल्यान दाङ सडकखण्डमा खसेको पहिरोमा परेर सल्यानका एक युवा भलिबल खेलाडीको मृत्यु भएको छ । त्रिवेणी गाउँपालिका वडा नम्बर ३ निवासी १७ वर्षीय मदन पुनको पहिरोसँगै झरेको रुखले लागेर मृत्यु भएको जिल्ला प्रहरी कार्यालय सल्यानले जनाएको छ ।
जिल्ला प्रहरी प्रमुख डीएसपी दीपक पातलीका अनुसार मंगलबार राति करिब साढे ९ बजे कपुरकोट गाउँपालिका ५, रिमस्थित अरिङ्गालेफेदी खारखोला सडकखण्डमा पहिरो खसेको थियो । सोही क्रममा रुखसहितको पहिरोमा परेर मदन गम्भीर घाइते भएका थिए ।
उनी कपुरकोट ५, रिममा पौराणिक तीनडाँडा मेलाको अवसरमा आयोजित खुला भलिबल प्रतियोगितामा सहभागी भएर घर फर्किँदै थिए । पहिरोमा परी गम्भीर घाइते मदनलाई उपचारका लागि सुर्खेततर्फ लैजाने क्रममा जयतपानी पुगेपछि स्वास्थ्यकर्मीले परीक्षण गरेका थिए । र परीक्षणका क्रममा उनको मृत्यु भइसकेको पुष्टि भएको प्रहरीले जनाएको छ ।
घटनामा सोही स्थानमा पहिरोमा परी सुनिल थापा पनि घाइते भएका छन् । उनको उपचार भइरहेको जनाइएको छ ।
यसैबीच मंगलबार रातिको अविरल वर्षापछि राप्ती लोकमार्ग अन्तर्गत सल्यान दाङ सडकखण्डका विभिन्न स्थानमा पहिरो खसेर सडक अवरुद्ध भएको छ ।
खारखोला क्षेत्रमा मंगलबार रातिदेखि अवरुद्ध सडकमा पहिरो हटाउने काम अन्तिम चरणमा पुगेको डीएसपी पातलीले जानकारी दिए । कपुरकोट भन्दा तल दाङतर्फको क्षेत्रमा भने पहिरो ठूलो रहेकाले सडक पूर्णरूपमा सञ्चालनमा ल्याउन केही समय लाग्ने उनको भनाइ छ ।
सल्यानबाट प्रतिनिधिसभा सदस्य रमेशकुमार मल्लले पनि राप्ती लोकमार्ग अवरुद्ध भएपछि सडक डिभिजन कार्यालय दाङका प्रमुख तथा सम्बन्धित अधिकारी र स्थानीय तहका प्रतिनिधिहरुसंग सडक तत्काल सञ्चालनमा ल्याउने विषयमा छलफल भइरहेको जानकारी दिएका छन् ।
प्रतिक्रिया दिनुहोस
संबन्धित समाचार
विद्यार्थीको खाजा खर्चसहित एमएम एकेडेमीबाट बाढीपीडितलाई १ लाख २८ हजार
सल्यान, १६ भदौ । सल्यान खलंगास्थित एमएम एकेडेमी प्रालिले बाढीपीडितका […]
११ बेपत्ता नागरिकको खोजीमा त्रिवेणीको टोली नुवाकोट, रसुवातर्फ
सल्यान, १३ भदौ । रसुवा तथा नुवाकोट क्षेत्रमा आएको बाढीपछि […]
परिवारका सदस्यको खोजिमा शव राखिएका अस्पतालहरुमा भौँतारिदै सल्यानका आफन्त
सल्यान, १३ भदौ । भोटेकोशी नदीमा आएको विनाशकारी बाढीपछि सम्पर्कविहीन […]